هو صحيح اننا كتير بنصحى الصبح نلاقى فى مصيبة حصلت أو كارثة وقعت أو أى داهية و السلام.. لكن المصايب توصل لحد أكل الغلابة.. لأ ده كتير.. يعنى ايه سندوتش الفول و الطعمية يبقى بجنيه.. ده يوم ما حسينا انه بقى غالى كان بخمسين قرش.. المشكلة مش فى الجنيه قد ما هى المشكلة فى الموضوع نفسه.. يعنى أى حد غلبان شوية أو مايقدرش يتحمل تكلفة انه يفطر حاجه عليها العين كل يوم بيشترى فول.. يعنى تنزل زى الباشا الصبح تشترى سندوتش فول و واحد طعمية و واحد بطاطس لو بتحبها تدفع اربعة جنيه إلا ربع.. ليه و علشان ايه ادفع حوالى خمسه جنيه فى فول و طعميه.. و الناس اللى متخيله انها بتوفر علشان ميزانيتها مش بتسمح باكتر من الفول تعمل ايه.. لما الفرد الواحد يدفع على الصبح خمسه جنيه.. ده طبعاً غير المواصلات.. غير انك فى الاخر مش حتلاقى فى السندوتش فول او طعميه باكتر من ربع جنيه.. أنا اعترض و من هنا و رايح حافطر شاورمه لحمه يا شيخ دى حاجه بقت تقرف.. جتكم القرف مليتوا البلد
هناك 4 تعليقات:
أقل سندوتش شاورمة لحمة محترم مش أقل من 7 جنيه :P
ما أنا عارفه دى تريقه..
و بعدين اللى خلاك تدفع خمسه جنيه فى فول و طعميه يخليك تحط عليهم 2 جنيه كمان و تاكل شاورمه :D
:))
ياكلوا حلاوه ياكلوا جاتوه
ياكلوا كل اللى يحبووه
إرسال تعليق