الصبح و أنا رايحة الشغل لقيت على الأرض 50 قرش و إن كان الموضوع بسيط و المبلغ ح اركب بيه يادوب بالكتير قوى من الجيزه للدقى أو العكس لكن لقيت نفسى مبسوطة إنى لقيت فلوس فى الشارع أصلى مش بيحصلى كده خالص فى حياتى.. إنى الاقى حاجه فى الأرض و مابقاش لاقيه صاحبها فتبقى بتاعتى.
الغريب بقى فى الموضوع إنى و أنا باخدها من على الأرض حسيت إنى باعمل حاجة غلط و حاولت أدور على حد حواليه يمكن تكون وقعت منه لكن لقيت واحد جنبى حايعدى الشارع معايا بص لى و قاللى بعينيه بتعملى ايه بتدورى على مين فى شارع زى ده فى ناس قد الدنيا بيعدوا كل دقيقتين و راح قايللى خديها.. بصيتله بمنتهى البراءة و السذاجة و قلتله " اخدها طيب" و مشيت..
هناك تعليق واحد:
shakloh keda enty aslan se3ebty 3aleeh w kan howwa ell ramehalik :pp
إرسال تعليق